Astanadaǵy Amman kóshesiniń ýchaskesi jóndeý jumysyna baılanysty jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Amman kóshesiniń J.Táshenov kóshesinen Sharl de Gol kóshesine deıin jóndeý júrgizedi, dep habarlaıdy elorda ákimdiginiń resmı saıty.

Osyǵan baılanysty, 29 maýsym men 4 shilde aralyǵynda atalǵan ýchaskede qozǵalys ishinara jabylady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.

Júrgizýshiler men jaıaý júrginshiler qozǵalys baǵytyn aldyn ala josparlaýy jáne uıymdastyrýdaǵy yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.

Buǵan deıin elordadaǵy Kereı-Jánibek handar kóshesiniń ýchaskesi jabylatynyn habarlaǵan edik.