Astanadaǵy alyp sholý dóńgeleginde Shámshi Qaldaıaqovtyń beınesi kórinis tapty
ASTANA. KAZINFORM — 15 tamyzda qazaqtyń áıgili kompozıtory Shámshi Qaldaıaqovtyń týǵan kúnine oraı Astanadaǵy alyp sholý dóńgeleginde beınesi kórinis tapty.
Kompozıtordyń LED-jaryqtandyrý tehnologııasy arqyly jasalǵan portretiniń dıagonali 65 metrdi quraıdy jáne ol 53 myń pıkselden turady. Aýqymdy beıne qalanyń birneshe tusynan – Saryarqa jáne Turan dańǵyldary, sondaı-aq Qorǵaljyn tasjoly jaǵynan anyq kórinedi.
Arnaıy taqyryptaǵy beınetranslıatsııa kompozıtordyń shyǵarmashylyǵyna arnalǵan merekelik sharalardyń bir bóligi boldy.
Aıta keteıik, búgin elordada Shámshi Qaldaıaqovtyń týǵan kúni keń kólemde atalyp ótti. Qalanyń ár jerinde kompozıtordyń ómiri men shyǵarmashylyǵyna arnalǵan mýzykalyq aktsııalar, performanstar jáne blıts-saýalnamalar uıymdastyryldy.
Aıta ketelik Astanada Shámshiniń ánderi qala keńistiginde jańasha únmen áýelegen edi.
