18:10, 23 Sáýir 2025 | GMT +5
Astanadaǵy alyp sholý dóńgeleginde Abaı Qunanbaıulynyń sýreti tur
ASTANA. KAZINFORM — Uly aqyn, oıshyl jáne aǵartýshy Abaı Qunanbaıulynyń 180 jyldyǵyna oraı Astanadaǵy sholý dóńgelegine portreti jarııalandy. Bul týraly elorda ákimdigi jazdy.
LED jaryqtandyrýdyń kómegimen jasalǵan portrettiń dıagonali 65 metrdi quraıdy jáne 53 myń pıkselden turady. Bul aýqymdy ınstallıatsııa qalanyń ártúrli oryndarynan – Saryarqa men Turan dańǵyldarynan, sondaı-aq Qorǵaljyn tas joly jaǵynan jaqsy kórinedi.
Aldaǵy ýaqytta dóńgelekke aqynnyń qanatty sózderin jarııalaý arqyly ınstallıatsııany tolyqtyrý josparlanyp otyr.
Aıta keteıik, Ózbekstanda Abaıdyń 180 jyldyǵy keńinen toılanyp jatyr.