Astanadaǵy álem kýbogy: Sabyrjan Aqqalyqov kanadalyq boksshydan basym tústi

ASTANA. KAZINFORM – Astanada ótip jatqan World Boxing aıasyndaǵy álem kýbogynda otandasymyz Sabyrjan Aqqalyqov kanadalyq boksshy Djoshýa Oforımen sharshy alańda kim myqtyny anyqtady. 

75 keli salmaq dárejesinde synǵa túsken qazaqstandyq bylǵary qolǵap sheberi Sabyrjan qarsylasy Djoshýanyń mysyn basyp, jartylaı fınalǵa joldama aldy. 

Sanaýly ýaqyttan keıin Aıbek Oralbaı ıtalııalyq sportshy Dıego Lentsımen judyryq túıistiredi. 

Aıta keteıik, álem kýbogyna 30 elden 300-ge jýyq boksshy qatysyp jatyr. Bul olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Eske salsaq, buǵan deıin Mahmud Sabyrhannyń elordadaǵy álem kýbogynyń jartylaı fınalyna shyqqanyn jazǵan edik. Sondaı-aq qos burymdy boksshymyz Aıdana Zabynbekova men Natalıa Bogdanova jartylaı fınalǵa joldama aldy.