Astanadaǵy álem kýbogy: Bekzad Nurdáýletov aýstralııalyq qarsylasynyń osal tusyn tapty

ASTANA. KAZINFORM - Elordada ótip jatqan World Boxing aıasyndaǵy álem kýbogynda el quramasynyń atynan jarys jolyna shyqqan Bekzad Nurdáýletov (85 keli) kelesi kezeńge joldama aldy. 

Sharshy alań ıesi alǵashqy jekpe-jeginde aýstralııalyq Lachlan Laýsomen sheberlik baıqasty. Jekpe-jek bastalǵan sátten qazaqstandyq boksshynyń shabýyly men joıqyn soqqysy qarsylasyn biraz tentiretti. Nátıjesinde birinshi raýnd Bekzadtyń basymdyǵymen aıaqtaldy. 

Ekinshi raýndta aýstralııalyq bylǵary qolǵap sheberi Bekzadqa laıyqty qarsylyq kórsetti. Biraq rıngte otandasymyzdyń basymdylyǵy anyq baıqalyp turdy. Úshinshi raýnda ta Bekzadtyń paıdasyna sheshildi. Osylaısha ol kezeńge qıyndyqsyz shyqty. 

Bekzad Nurdáýletov 2019 jylǵy álem chempıony, 2024 jyly Taılandtaǵy Azııa chempıonatynda jeńiske jetken.

Qazirge deıin el quramasynan búgin, 2 shildede Nazym Qyzaıbaı (48 keli), Alýa Balqybekova (51 keli), Sanjar Táshkenbaı (50 keli) jarysty jalǵastyrýǵa múmkindik aldy.

Ókinishke qaraı Gúlsaıa Erjan (80 keli) alǵashqy jekpe-jeginde qarsylasyna ese jiberdi. 

Endi keshki sessııada Vıktorııa Grafeeva (60 keli), Aıda Abıkeeva (65 keli), Ertýǵan Zeınýllınov (65 keli), Saǵyndyq Toǵambaı ( 90 keli) saıysqa túsedi.