Astanadaǵy Alash tas jolyndaǵy kópir 1 qyrkúıekten bastap ashylady

ASTANA. KAZINFORM – 1 qyrkúıekten bastap Alash tas jolyndaǵy kópir arqyly qozǵalys tolyq qamtamasyz etiledi. 

Astana qalasynyń Kólik jáne jol-kólik ınfraqurylymyn damytý basqarmasy basshylyǵynyń málimetinshe, buǵan deıin kópirdiń sol jaǵyndaǵy qozǵalys jóndeý jumystaryna baılanysty avtokólik quraldary úshin jabylǵan bolatyn. Búginde tıisti jumystar tolyǵymen aıaqtaldy. 

Eske sala keteıik, buǵan deıin búgin jáne erteń Astanadaǵy Bókeıhan-Kereı men Jánibek handar kósheleriniń qıylysy tolyq jabylatynyn habarlaǵan edik. Sondaı-aq 29 tamyz ben 2 qyrkúıek aralyǵynda Máńgilik el men Saraıshyq qıylysyndaǵy jolaıryq jabyq bolady.