Astanadaǵy aqyly turaqtar naýryzdyń sońyna deıin ákimdik menshigine ótedi
ASTANA. KAZINFORM — 2025 jyldyń jeltoqsan aıynda Astana ákimdigi men «Astananyń turaq keńistigi» JShS arasynda aldyn ala kelisimshartqa qol qoıyldy. Bul jóninde Kólik jáne jol-kólik ınfraqurylymyn damytý basqarmasy málimdedi.
Qujatta atalǵan kompanııa 100% úlesin jergilikti atqarýshy organǵa qaıtarymsyz negizde beretini jazylǵan.
— Qazir kásiporynnyń qarjylyq-sharýashylyq qyzmetine aýdıt júrgizilip jatyr. Barlyq tıisti rásim bıylǵy naýryz aıynyń sońynda aıaqtalady dep josparlanyp otyr, — delingen basqarma habarlamasynda.
Aıta keteıik, barlyq jer ýchaskesi men ınfraqurylym (shlagbaýmder men tsıfrlyq júıeler) kommýnaldyq menshikke ótpek. Buǵan deıin habarlaǵanymyzdaı, bul sheshim elordadaǵy turaq ınfraqurylymyn basqarýdy jaqsartýǵa jáne ony tıimdirek baqylaýǵa oń áser etpek.
Bolashaqta bul turaq uıymdastyrýdyń jańa tetikterin engizýge, sondaı-aq qala turǵyndary men qonaqtaryna qyzmet kórsetý sapasyn arttyrýǵa múmkindik beredi.