Astanadaǵy aqyly turaqtar ákimdik menshigine ótti
ASTANA.KAZINFORM – Elordadaǵy aqyly turaqtar ákimdiktiń menshigine tolyqqandy ótti. Bul týraly qala ákiminiń orynbasary Ersin Ótebaev málim etti.
— Aqyly avtoturaq ákimdiktik qaramaǵyna ótti dep aıtýǵa bolady. Bizge turaqtardy ótkizgen kompanııa osyǵan deıin qalpyna keltirý kezeńinde boldy. Búgin saýyqtyrý protsesin toqtatý týraly sottyń sheshimi kúshine endi. Sondaı-aq turaqty berý jóninde qosymsha kelisimge de qol qoıyldy. Taıaý kúnderi sońǵy kelisimge qol qoıylady dep oılaımyz, - dedi E. Ótebaev Parlament palatalarynyń otyrysynan keıin tilshiler suraǵyna jaýap bere otyryp.
Sonymen qatar odan aqyly turaqtar qala bıýdjetine qansha qarajat túsirýi múmkin ekeni suraldy.
— Qazir aıtý qıyn, biraq buǵan deıin ol iske qosylǵannan beri aıyppuldarmen birge 5 mlrd teńgeden astam tabys ákelgen, - dep ákim orynbasary
Eske salsaq, 2025 jyldyń jeltoqsan aıynda Astana ákimdigi men «Astananyń turaq keńistigi» JShS arasynda aldyn ala kelisimshartqa qol qoıyldy.
Qujatta atalǵan kompanııa 100% úlesin jergilikti atqarýshy organǵa qaıtarymsyz negizde beretini jazylǵan.
