Astanadaǵy «7 bochek» turǵyn úı kesheninde órt shyqty

ASTANA. KAZINFORM — Dál qazir TJM órt sóndirýshileri Astana qalasynyń Nura aýdanynda qyzyl jalynǵa oranǵan turǵyn úı keshenindegi órtti aýyzdyqtaýǵa baryn salyp jatyr.

— Osy ýaqytta TJM órt sóndirýshileri Astana qalasynyń Nura aýdanyndaǵy Syǵanaq kóshesinde ornalasqan turǵyn úı syrtqy qaptamasynyń órtenýin sóndirýge tyrysyp jatyr. Oqıǵa ornynda kúshter men quraldar joǵary dárejede jumys istep jatyr. Oqıǵanyń mán-jaıy anyqtalatyn bolady, — dep jazdy TJM baspasóz qyzmeti.

Málim bolǵandaı, órt ornynda órt sóndirý shtaby quryldy. Turǵyndardy evakýatsııalaý jumystary júrgizilip jatyr.

Zardap shekkender týraly aqparat túsken joq.

— Sýdy úzdiksiz berý uıymdastyryldy. Órt bolǵan jerdi polıtsııa departamentiniń qyzmetkerleri qorshap aldy. Jeke quramnan 45 adam jáne 13 birlik tehnıka jumyldyryldy, — dep jazdy vedomstvodan.

TJM málimetinshe, órtti oqshaýlaý úshin barlyq sharalar qoldanylyp jatyr. Órtti sóndirýge birneshe sý oqpandary berilgen.

Eske sala keteıik, buǵan deıin elordada qoıma órtengenin jazǵan edik.