Astanadaǵy 66 jekemenshik mekteptiń beseýi ǵana qazaq tilinde bilim beredi
ASTANA. KAZINFORM – Astana qalasynyń bilim basqarmasy Kazinform saýalyna joldaǵan jaýabynda elordadaǵy jeke menshik mektepterdiń oqytý tili týraly málimet berdi.
«Qaladaǵy 66 jeke menshik mekteptiń basym kópshiligi aralas tildi bolsa, 5-ýi qazaq tildi, 15-i orys tilinde oqytady», - delingen jaýapta.
Sondaı-aq, vedomstvo jaýabynda jeke menshik mektepterdiń oqytý tili ata-analardyń qalaýyna qaraı aıqyndalatyny aıtylǵan.
«Balasynyń jeke menshik mektepte oqyǵanyn qalaıtyn ata-ana mektepti tańdaý kezinde onyń oqytý tiline, oqý aqysyna, oqytý baǵytyna baılanysty tańdaıdy», - dep jazylǵan resmı málimette.
