Astanadaǵy 206 mekteptiń 77-si jeke menshik

ASTANA. KAZINFORM — Astana qalasy bilim basqarmasy basshysynyń orynbasary Marjangúl Qaıyrbaevanyń aıtýynsha, elordadaǵy 77 jeke menshik mektep bıyl 3390 balany birinshi synypqa qabyldaıdy.

— Búginde elordada 206 orta bilim beretin uıym bar. Onyń ishinde 122 — memlekettik, 77 — jekemenshik, 7 — respýblıkalyq mektep. Ótken oqý jylymen salystyrǵanda bul kórsetkish 10 uıymǵa artqan, — dedi ol óńirlik kommýnıkatsııalar qyzmetiniń onlaın baspasóz máslıhatynda.

Sonymen qatar Marjangúl Qaıyrbaeva qazir 30 057 bala 1 synypqa qabyldanǵanyn aıtty.

— Búgingi kúni 30 057 bala 1 synypqa qabyldandy. Onyń ishinde memlekettik mektepterge 26 666, jekemenshikke 3 390 bala barady, — dedi Qaıyrbaeva.

Buǵan deıin bıylǵy oqý jylynda 138 myń oqýshy jańartylǵan mektepterde bilim alatyny aıtylǵan bolatyn.