Astanadaǵy 12 qabatty turǵyn úıde órt shyqty
ASTANA. KAZINFORM — Astananyń Saraıshyq aýdanyndaǵy A-52 kóshesinde ornalasqan 12 qabatty turǵyn úı kesheninde órt shyqty.
Tótenshe jaǵdaılar mınıstrliginiń málimetinshe, ǵımarattyń birinshi qabatynan toǵyzynshy qabatyna deıingi kabel shahtasynda elektr kabeli janǵan.
— Avarııalyq-qutqarý jumystary kezinde baspaldaq arqyly úsh adam, onyń ishinde bir bala qutqaryldy. Órt 27 pogon metr aýmaqta sóndirildi. Jalynnyń odan ári taralýyna jol berilmedi. Zardap shekkender joq, — delingen habarlamada.
TJM ókilderi órt belgileri baıqalǵan jaǵdaıda dereý 112 nómirine habarlasý qajet ekenin eske saldy.
— Órt kezinde lıftini paıdalanbańyz jáne qutqarýshylardyń nusqaýlaryn oryndańyz, — dep eskertti vedomstvo.
Eske salaıyq, buǵan deıin Astananyń Esil aýdanyndaǵy Saýran kóshesinde ornalasqan toǵyz qabatty turǵyn úıden órt shyqqanyn habarlaǵanbyz.
