Astanada ALAMAN halyqaralyq medıa baıqaýynyń jeńimpazdaryn marapattaldy
ASTANA. KAZINFORM — Búgin Astanada QR Ulttyq sport qaýymdastyǵynyń uıymdastyrýymen jáne Bas redaktorlar klýby men Ulttyq medıa qaýymdastyǵynyń qoldaýymen ALAMAN halyqaralyq medıa baıqaýynyń jeńimpazdaryn marapattaý sharasy ótti.

Qaýymdastyq prezıdenti Islambek Saljanov Memleket basshysy Qasym-Jomart Toqaevtyń ulttyq sport túrlerin damytýǵa árqashan shynaıy yqylas tanytyp, aıryqsha qoldaý kórsetip otyrǵanyn atap ótti.

Sonymen qatar ulttyq sporttyń keń nasıhattalýyna BAQ ókilderiniń sińirgen eńbegine toqtaldy.
- Ulttyq sport túrleri osy ýaqytqa deıin qarqyndy damý ústinde. Qaýymdastyq eki jylda uly qundylyqtardy ulyqtaý isinde aıanyp qalǵan joq. Túrli respýblıkalyq jáne halyqaralyq jarystar men 5-shi Dúnıejúzilik kóshpendiler oıyndary ulttyq sporttyń abyroıyn odan ári bıiktete tústi. Osy oraıda halyqqa aqparat taratyp, ulttyq sporttyń qyr-syryn nasıhattaǵan BAQ ókilderine alǵysymdy aıtamyn, - dedi ol.

ALAMAN halyqaralyq medıa baıqaýyna 200-den asa materıal kelip tústi.

Qazylar alqasy kelip túsken materıaldardy jiti qarap, tıisti qorytyndy shyǵardy.

Bul rette birinshi oryndy Kazinform aqparat agenttiginiń Túrkistan oblysyndaǵy fotoaqparat qyzmetiniń fototilshisi Maqsat Shaǵyrbaı jeńip aldy.


Buǵan deıin Otandastar qory «Uly Dala» halyqaralyq kitap shyǵarý baıqaýyn jarııalaǵanyn jazdyq.