Astanada zorlyq-zombylyq kórgenderdiń áleýmettik qyzmetterge qoljetimdigin qamtamasyz etý máseleleri talqylanýda

ASTANA. 24 mamyr. QazAqparat - Búgin Astanada «Zorlyq-zombylyqtan zardap shekkender, onyń ishinde adam saýdasynyń jáne turmystyq zorlyqtyń qurbandary Qazaqstan Respýblıkasynyń arnaýly áleýmettik qyzmetterine qol jetkizýin qamtamasyz etý» konferentsııasy óz jumysyn bastady.

Sharaǵa qatysýshylar 2008 jyldyń jeltoqsanynda qabyldanǵan «Arnaýly áleýmettik qyzmetter týraly» QR Zańymen baılanysty máseleler men taǵdyr tálkegine ushyrap, túrli zorlyq-zombylyq kórgen adamdardyń qoǵamǵa qaıta kirigýi sııaqty jáne basqa da problemalar tóńireginde óz oılarymen bólisýde.

Konferentsııa jumysyna QR Parlamentiniń depýtattary, múddeli mınıstrlikter ókilderi, qoǵamdyq jáne halyqaralyq uıymdar ókilderi, sonymen qatar Ulybrıtanııa, Moldova, Serbııa, Chehııa, Reseı jáne Qazaqstannyń zorlyq-zombylyq qurbandaryna áleýmettik qyzmet kórsetý oryndarynyń mamandary qatysýda.

Konferentsııa qorytyndysy boıynsha, mamandar atalǵan saladaǵy máselelerdi zańnamalyq jáne quqyqtyq-normatıvtik turǵyda retteý sharalaryn naqtylaıtyn birqatar usynystar qabyldaıtyn bolady.