Astanada jylytý maýsymyna daıyndyq júrip jatyr

ASTANA. QazAqparata - Astana qalasy Energetıka basqarmasynyń habarlaýynsha, «Astana-Energııa» AQ JEO-1 jóndeý jumystaryna tórt nysannyń túbegeıli jóndeý jumystary kiredi. Búgingi kúni 3 nysannyń jóndeý jumystary aıaqtaldy (№ 1, № 10 qazandyq agregaty jáne № 3 týrboagregaty). №2 qazandyq agregatyn túbegeıli jóndeý jumystary jalǵasýda. Jumystardy 10 qyrkúıekke deıin bitirý josparlanǵan.

Kómekshi quraldy túbegeıli jóndeý keste boıynsha júrgiziledi. Sonymen birge, JEO-2 stantsııasynda №3 qazandyq agregatynyń jóndeý jumystary júrgizilýde. Qazirgi tańda jumystyń 92% jasaldy jáne 25 tamyzǵa deıin aıaqtaý josparlanýda. №2 týrboagregatynyń túbegeıli jóndeý jumystaryna 12 tamyzdan bastap kirisip, aǵymdaǵy jyldyń qazanynda bitirý kózdelip otyr.

«Astana-Energııa» AQ jóndeý kompanııasy alty aýdandyq qazandyqta negizgi quraldyń túbegeıli jóndeý jumystaryn júrgizip jatyr. JEO-1 qurylǵylaryn jóndeý jumystary 75% oryndaldy, JEO-2 76 %, aýdandyq qazandyqtar boıynsha 65% jumys aıaqtaldy.

Sonymen birge, energııa kózderi boıynsha otyndy josparly jınaý jalǵasýda. 2015 jyly 10 tamyzdaǵy kórsetkish boıynsha otyn qory: JEO-1: kómir - 31,8 myń tonna, mazýt - 8,3 myń tonna; JEO-2: kómir - 86,8 myń tonna, mazýt - 625 tonna.

«Astana-Energııa» AQ men «Bogatyr Kómir» JShS arasynda 3 057 600 tonna kómir jetkizýge kelisimshart jasaldy, onyń ishinde JEO-2 - 2 652 650 tonna, JEO-1 - 404 950 tonna. Aldaǵy jylytý maýsymyna qaraı otynnyń normatıvti qory jınalady.

«Astana-Energııa» AQ 2015-2016 jylǵy jylytý maýsymyna daıyndyǵy 59% quraıdy. Jóndeý baǵdarlamalary bekitilgen ýaqytta jylytý maýsymynyń basyna deıin oryndalady, dep habarlaıdy astana.gov.kz