Astanada jylytý maýsymyna daıyndyq jumystary aıaqtaldy
ASTANA. 22 qazan. QazAqparat - «Astana sý arnasy» memlekettik kommýnaldyq kásiporny 2012-2013 jyldar boıynsha jylytý maýsymynda sýmen qamtamasyz etý jáne kárizdendirýge daıyndyq jumystaryn aıaqtady.
Bul týraly mekemeniń baspasóz qyzmetinen habarlandy.
Keltirilgen málimetterge qaraǵanda, sýmen qamtamasyz etýdiń basty kózi jalpy kólemi 248,9 mln. shaqyrym tekshemetrdi quraıtyn Astana sý qoımasy bolyp tabylady. Al elordada sýmen qamtamasyz etý qyzmetin 192 607 jeke tulǵa, 6 177 zańdy tulǵa, onyń ishinde 91 bilim berý nysandary, 66 balalar baqshasy, 50 densaýlyq saqtaý nysandary tutynady. Sonymen qatar, qazirgi tańda astanadaǵy 115 801 páterde 294 166 dana sýdy esepke alýdyń jeke quraldary ornatylǵan. Bul sýdy únemdeý kólemi men saralanǵan tarıfter boıynsha qarajat tóleýge barynsha yqpal etedi.
Budan bólek, buǵan deıin sý qubyry jelilerinde tazartý jumystary júrgizilip, 14,7 shaqyrym qubyr jelileri aýystyrylǵan. Sý qubyrlarynyń 121 metrine jylý ızolıatsııalary júrgizilgen. «Qazirgi ýaqytta sý qubyry jáne kárizdiń barlyq syrtqy jelileri qysqy maýsymdyq jumysqa saqadaı saı», - delingen baspasóz habarlamasynda.
