Astanada jylytý maýsymy qalypty ótip jatyr - ákimdik
ASTANA. QazAqparat - Astanada jylytý maýsymy qalypty ótip jatyr.
Bul týraly búgin Ortalyq kommýnıkatsııalar qyzmetinde Astana ákiminiń orynbasary Qosman Aıtmuhametov málim etti.
«Astanada jylytý maýsymy qalypty ótip jatyr. Jylý kóleminiń parametrleri belgilengen rejımdik kartalarǵa saı berilýde. 1-shi deńgeıli apattar men isten shyǵý jaǵdaılary bolǵan joq», - dep atap ótti ol.
Ákim orynbasarynyń aıtýynsha, jylý qazandyqtary qys sońyna deıin otynnan tapshylyq kórmeıdi.
«Búgingi tańda barlyq energııa kózderi qajetti otynmen qamtamasyz etilgen: kómirdiń qory 293 myń tonnany quraıdy», - dep atap ótti ol.
