Astanada jylytý maýsymy 1 qazannan bastalady

ASTANA. QazAqparat - 1 qazanda elordanyń áleýmettik nysandaryna jylý beriledi (birinshi kezeń). Barlyq tutynýshylarǵa jylý júretin quraldardyń daıyndyǵyn qamtamasyz etý, jylytý júıelerin shaıý jáne jylytý maýsymynyń aldynda mindetti túrde tazalaý boıynsha tehnıkalyq talaptar berildi, dep habarlaıdy qalalyq ákimdiktiń baspasóz qyzmeti.

Turǵyn úılerge jylý aýa raıyna baılanysty jiberiledi.

2016 jylǵy 29 qyrkúıektegi jaǵdaı boıynsha, Astana qalasynda ortalyqtandyrylǵan jylýmen jabdyqtaýǵa qosylǵan 2 454 áleýmettik-mádenı nysan men kóppáterli turǵyn úı qorynyń 2 431-i nemese 99% jylytý maýsymyna daıyn. Jaqyn kúnderi nysandardy daıyndaý boıynsha sońǵy jumystar aıaqtalady.

Densaýlyq saqtaý, bilim jáne mádenıet nysandary jańa jylytý maýsymyna 100% daıyn.

Energııa kózderi, ınjenerlik jeliler jáne tirshilikti qamtamasyz etý nysandary da aldaǵy jylytý maýsymyna tolyq daıyn.

Qazirgi kezde JEO-1 men JEO-2 jylytý maýsymyna 100% daıyn, aýdandyq qazandyqtar da jylytý maýsymyn bastaýǵa ázir.

JEO-1 men JEO-2 jıyntyq energııa qýattylyǵy 455,1 MVt quraıdy, sonyń ishinde: JEO-1 - 15,1 MVt, JEO-2 - 440 MVt. Jıyntyq jylý qýattylyǵy - 2 065,6 Gkal, sonyń ishinde: JEO-1 - 674,9 Gkal, JEO-2 - 1 370 Gkal, aýdandyq qazandyqtar - 20,7 Gkal.

«Astana-Energııa» AQ otyn qoryna toqtalsaq: kómir - 241 392 t., mazýt - 7 783 t.

2016-2017 jj. jylytý maýsymy bastalǵansha stantsııalarda otynnyń normatıvtik 20 táýliktik qory daıyndaldy, JEO-1 boıynsha - 36 140 t., JEO-2 boıynsha- 185 420 t.

Sonymen qatar 2016 jyly ár aıda kómir jetkizý kestesi bekitildi. Aýdandyq qazandyqtarda qajetti 19 000 t. kómir qorynyń 16 000 t. bar. Kómir kestege sáıkes qazan aıynan bastap jetkiziledi.

Sondaı-aq, «Astana-Teplotranzıt» AQ da jylytý maýsymyna 100% daıyn.

«Astana-Teplotranzıt» AQ kúrdeli jóndeý baǵdarlamasy boıynsha 1,150 km magıstraldi jelige kúrdeli jóndeý jumystary júrgizdi. Uzyndyǵy 1,432 km taratý jelisine kúrdeli jóndeý júrgizildi, jumys 100% oryndaldy. 3 698m2 qubyrdyń jylý oqshaýlaýy qaıta jóndeldi. 2016-2017 jj. arnalǵan Astana qalasy jylýmen jabdyqtaý júıesi jumysynyń rejımdik kartasy ázirlenip, kelisildi.

Odan bólek, «Astana-REK» AQ da jylytý maýsymyna 100% daıyn. Ústimizdegi jyldyń sáýir aıynan qyrkúıek aıyna deıin «Astana-REK» AQ kúrdeli jóndeý baǵdarlamasy boıynsha birneshe ÁJ kúrdeli jóndeý jumystary oryndaldy. «Astana-REK» AQ qyzmet kórsetiletin elektr jelileriniń jalpy uzyndyǵy 3 631 km quraıdy. Shaǵyn stantsııalar sany - 1 134 birlik.