Astanada jylyna júrekke 1 500-den astam ota jasalady
ASTANA. 15 naýryz. QazAqparat - Keıingi 15 jylda astanalyqtardyń ortasha ǵumyr jasynyń uzaqtyǵy 6 jyldan astamǵa uzardy.
Buǵan tek Qazaqstanda ǵana emes, búkil álemde ólim-jitimniń negizgi sebepteri bolyp otyrǵan qan aınalymy aýrýyn erte kezeńde emdeýdiń arqasynda qol jetkizildi.
Ótken jylǵa qaraǵanda, qan aınalymy aýrýy elordada 5,1 %-ǵa tómendep, odan bolatyn ólim-jitim 22,6 %-ǵa kemidi. 2012 jyly kóz jumǵandar sany 100 myń adamǵa shaqqanda 114,2-ni qurap, jalpyrespýblıkalyq kórsetkishten (100 myń adamǵa 253,3) eki ese azaıdy.
Atap aıtqanda, júrek talmasynan kóz jumatyndar 49 %-ǵa tómendep, 2011 jylǵy 13,5-ke qaraǵanda 100 myń turǵynǵa 6,9-dy qurady. Bul týraly Astana qalasynyń resmı saıty Densaýlyq saqtaý basqarmasyna silteme jasap habarlady.
«Jyl saıyn elordada júrekke 1 500-den astam ota jasalady. Olardyń 60 %-dan astamyna - shuǵyl, al 300-den astamyna - ashyq júrekke jasalady. Mundaı otadan kóz jumatyndar 3 %-dan kóp emes», - delingen vedomstvonyń habarlamasynda.
