Astanada jyly aıaldamalar bıýdjet qarajatyna salynbaıtyn boldy
ASTANA. QazAqparat - Astanada 10 mıllıon teńgege baǵalanyp, halyq arasynda daýǵa qalǵan jabyq aıaldamalar bıýdjet qarajatyna salynbaıtyn boldy.
Bul týraly «QazAqparat» halyqaralyq aqparat agenttigine bergen resmı saýalynda «Astana LRT» AQ málim etti.
Aıta keteıik, 2015 jyly Astanada qysta sýyqtan, jazda ystyqtan qorǵaıtyn jabyq aıaldamalar salyna bastaǵan bolatyn. Halyq arasynda onyń qunyna qatysty taqyryp úlken daý týdyrǵany málim.
Kompanııanyń habarlaýynsha, sodan beri Astana qalasynyń kólik keshenin jańartý aıasynda jabyq tıpti 27 aıaldama pavılony ornatyldy.
«Jalpy alǵanda qalada jolaýshylar kóp jınalatyn jáne qalanyń áleýmettik mańyzdy aıaldama pýnktterinde 80-nen artyq aıaldama pavılondary ornatylatyn bolady. Pavılon qurylysynyń qunyna qatysty, jabyq tıpti pavılondardy ornatý ınvestıtsııalar esebinen júzege asyrý josparlanǵandyǵyn habarlaımyz», - delingen «Astana LRT» AQ-nyń resmı jaýabynda.
