Astanada jylýmen qamtý jumystary qalaı júrgizilýde
ASTANA. QazAqparat - Búgin «Astana-Teplotranzıt» AQ basshylyǵy Astanany jylýmen qamtamasyz etý jumystarymen tanystyrdy, dep habarlaıdy QazAqparat tilshisi.
Elorda halqyn jylýmen qamtamasyz etetin «Astana-Teplotranzıt» AQ quramynda 10 sorǵy stantsııasy bar, onyń ishinde úsheýi avtomattyq rejimde jumys isteıtin zamanaýı jylý berýshi kásiporyn.
Ústimizdegi jyldyń 1 qańtar boıynsha qyzmet kórsetiletin jylý jelileriniń jalpy uzyndyǵy 760 shaqyrym trassany qurady. Sonymen qosa, Astana qalasynyń sol jaǵalaý bóligine jylý magıstrali nysandaryn paıdalanýǵa engizýge tapsyrýmen baılanysty taǵy 63 shaqyrymǵa artty. Odan bólek, kásiporynda iri ólshemdi bekitýshi armatýralardy jóndeý, qalypty buıymdardy ázirleý jáne oqshaýlaý jumystaryn oryndaý boıynsha zamanaýı jabdyqtarmen jabdyqtalǵan óndiristik tsehtar bar.
«Búgingi kúni «Astana-Teplotranzıt» 2015-2019 jyldarǵa «Nurly jol» ınfraqurylymdy damytýdyń memlekettik baǵdarlamasyn iske asyrýda. 2017 jyly baǵdarlamany iske asyrýǵa 7 mln 555 myń 284 teńge ıgerildi. Atalǵan qarajatqa jańadan qubyrlar salynýmen qosa, № 13,14 sorǵy stantsııalary kóterildi. Jáne biz jylýdyń ysyrap bolýymende kúresýdemiz, osy jyly aldyńǵy jylmen salystyrǵanda 13% jylý ysyrabyn azaıtý júzege asyryldy», - dedi «Astana-Teplotranzıt» AQ basqarma tóraǵasynyń mindetin atqarýshy Sergeı Golev.
Sonymen qatar, «Astana-Teplotranzıt» basshysy jańa tehnologııalardy qoldanýmen usynylatyn qyzmetter sapasyna da toqtaldy.
«2017 jyly «Astana-Teplotranzıt» AQ Astana qalasynyń tutynýshylaryna usynylatyn qyzmetterdiń sapasyn joǵarlatý maqsatynda tehnıkalyq keńsede jóndeý júrgizildi, qujattardy qabyldaý jáne óńdeý men qyzmet kórsetýdiń kedergisiz qaǵıdaty qarastyryldy. Kútý úshin qosymsha oryndar qarastyrylyp, elektrondyq kezek termınaly ornatyldy, qoljetimdi jerlerde qyzmetterdi alý tártibi týraly kórnekti aqparattyq stendter ornalastyrylyp jáne de múmkindikteri shekteýli tulǵalar úshin pandýs ornatyldy»,-dedi ol.
Onyń aıtýynsha kásiporynda ótken jyl boıynsha tehnologııalyq buzýshylyqtar (apattar, І, ІІ dárejedegi bas tartýlar) tirkelmegen. Usynylatyn qyzmettiń sapasyna qatysty eshqandaı shaǵym bolmaǵanyn da aıtty.
Ústimizdegi jyl boıynsha kásiporynnyń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti bekitken Astana qalasy boıynsha jylý energııasyn berý jáne taratýǵa tarıfti 1 204,49 teńge/Gkal-dan 1 131,39 teńge/Gkal-ǵa tómendetý kelisildi.
«2018 jyly kásiporyn 1 322 953 myń teńge somada ınvestıtsııalyq baǵdarlamany ıgerýdi josparlap otyr. Investıtsıalyq baǵdarlamany iske asyrý sheńberinde jylý jelilerin qaıta jańartý, sondaı-aq qalany jylýmen jabdyqtaý nysandaryn kútip ustaý úshin qajetti jabdyqtar men arnaıy mehanızmderdi satyp alý boıynsha is-sharalar kózdelgen.
«Nurly jol» ınfraqurylymdy damytýdyń memlekettik baǵdarlamasy boıynsha 2018 jylǵa arnalǵan ınvestıtsııalar somasy 2 928 426 myń teńgeni quraıdy. Onyń ishinde kúrdeli jóndeý júrgizýge 200 mln.teńge jiberiledi», - dedi Sergeı Golev.
