Astanada jylýmen qamtý boıynsha qaryz 460 mln teńgege jetti

NUR-SULTAN. QazAqparat – Elordada jylýmen qamtý boıynsha qaryz mólsheri 460 mln teńgeni qurap otyr. Qaryz kólemi jaıly tilshilerge «Astana-Teplotranzıt» AQ basshysynyń ekonomıka jáne qarjy jónindegi orynbasary Rýslan Aralbaı aıtyp berdi, dep habarlaıdy QazAqparat tilshisi.

«Bizde basty tutynýshy – ózderińiz biletindeı, «Astanaenergosbyt» JShS. Biz búkil ónimdi oǵan bergennen keıin kompanııa qalanyń barlyq tutynýshylaryna jylý taratady. «Astanaenergosbyt» JShS men «Astana-Teplotranzıt» AQ arasyndaǵy iskerlik qarym-qatynas jolǵa qoıylǵan. Árıne, bir-eki aı kóleminde olar qarajatty tóleý jaǵyn keshiktiretini bar. Biraq, jalpy olarmen iskerlik qatynasta jumysty tártipke keltirýge tyrysamyz. ıAǵnı, biz olarǵa jylýdyń barlyq kólemin beremiz – olar tutynýshylardyń aqshasyn jınap, bizge beredi. Qazirgi ýaqytta shamamen 460 mln teńge qaryzy bar. ıAǵnı, bul – «Astanaenergosbyt» JShS-nyń bizge qaryzy. Al olardyń tutynýshylardan aqshany qalaı jınaıtyny – óz sharýasy», - dedi tilshilerge arnalǵan baspasóz týrynda Rýslan Aralbaı.

Eske sala ketsek, buǵan deıin «Astana-Teplotranzıt» AQ basshysynyń qurylys jónindegi orynbasary Qurmanǵazy Nuǵymanov Astananyń jylý magıstraldaryn jańǵyrtý jumystary 1 qazanda aıaqtalatynyn málim etken edi.