Astanada jylý jelilerin jóndeý jumystaryna baılanysty keıbir kósheler jabylady
ASTANA. QazAqparat - Astana qalasy Energetıka basqarmasynyń habarlaýynsha, 17-23 qyrkúıekte jylý magıstralin qalpyna keltirý boıynsha qurylys-montajdaý jumystaryn júrgizýge baılanysty Sh. Ýálıhanov jáne J. Omarov kósheleriniń qıylysynda kólik qozǵalysy toqtatylady.
Bul týraly elorda ákimdiginiń baspasóz qyzmeti habarlady. Sondaı-aq, ınjenerlik júıelerdi 2015-2016 jylǵy jylytý maýsymyna daıyndaý boıynsha jumystar júrgizilýde. Qazirgi tańda Respýblıka dańǵyly jáne Y. Dúkenuly kóshesiniń qıylysynda (TM-5 jylý magıstralin qalpyna keltirý) kólik qozǵalysy toqtatyldy. Barlyq jóndeý jumystary bekitilgen kestege sáıkes oryndalady.
