Astanada jylý merziminen buryn berilýi múmkin
ASTANA. QazAqparat - Astana qalasy ákimdiginen málim etkendeı, qazirgi ýaqytta elordada energııa kózderi, ınjenerlik jeliler men tirshilikti qamtamasyz etý nysandary 2017/18 jyldarǵy jylytý maýsymyn bastaýǵa daıyn.
Astana qalasynda Jylytý maýsymyn ótkizý erejelerine sáıkes, syrtqy aýa temperatýrasy ortasha +10 gradýs jáne odan tómen bolsa, jergilikti atqarýshy organ bes táýlik ishinde jylytý maýsymyn bastaý týraly sheshim qabyldaıdy. Osy Erejege sáıkes, elordada jylytý maýsymy 27 qyrkúıekte bastalady. Alaıda syrtqy aýa temperatýrasynyń ósýimen bul merzim qaıta túzetilýi múmkin.
Degenmen, qazirgi ýaqytta áleýmettik, mádenı nysandarǵa (balalar baqshalary, mektepter, sondaı-aq densaýlyq saqtaý nysandary) jylý berý júzege asyrylýda.
Qala ákimdigi PIK ótinimi boıynsha daıyndyq pasporttary bolǵan jaǵdaıda jekelegen turǵyn úılerge jylý berýge daıyn.
Eske salaıyq, 2016 jyly Astanada jylytý maýsymy 1 qazanda bastaldy.
Buǵan deıin QR Investıtsııalar jáne damý mınıstrligi habarlaǵandaı , bıyl Qazaqstanda barlyq turǵyn úı-kommýnaldyq sharýashylyq, áleýmettik nysandardy 2017-2018 jylǵy jylytý maýsymyna daıyndyqty aıaqtaý aǵymdaǵy jyldyń 15 qazanyna josparlanǵan.
