Astanada jylý maýsymy bastalǵanǵa deıin jylý eseptegish qondyrǵylar tegin ornatylady

ASTANA. 14 maýsym. QazAqparat - Bıylǵy jyly Astanada 400 jylý ólshegish qondyrǵy tegin ornatylady. Bul týraly astana.kz saıtyna TMRAD-ǵa silteme jasap qala ákimdiginiń ómir tirshiligin qamtamasyz etý bóliminen málim etti.

«Tabıǵı monopolııalardy retteý agenttiginiń elordalyq departamentiniń basshylyǵy atap ótkenindeı, tutynýshylar úshin jylýdy esepteý qondyrǵysy bıylǵy jyly «Astana-Jylýtranzıt» AQ-nyń energotaratý uıymdary úshin bekitilgen ınvestıtsııalyq baǵdarlamalar esebinen ornatylatyn bolady», - dep málimdedi bólimnen.

TMRAD dırektory Bahtııar Atalyqovtyń aıtýynsha, turǵyndar jylý eseptegishtiń baǵasyn óz qaltalarynan tólemeıdi, barlyq kúsh uıymǵa túspek. Eseptegish quraldaryn jylytý maýsymy bastalǵansha ornatý josparlanyp otyr. Búgingi kúni olardy tabýǵa jáne ornatýǵa tender jarııalanyp, sondaı-aq, olar ornatylatyn turǵyn úılerdiń naqty mekenjaılary belgili boldy.

Eske salaıyq, saralanǵan tarıfter jylý energııasyn eseptegish jabdyqtarynyń joqtyǵyna nemese bolýyna oraı 2012 jyly qazan aıynda Qazaqstan Respýblıkasynyń «Energııa únemdeý jáne energııa tıimdiligin arttyrý» týraly Zańyna sáıkes engizilgen bolatyn.

«Eseptegish quraldarymen qamtylǵan elordalyq turǵyndar jylýǵa ortasha qoıylǵan tarıf boıynsha 25 paıyz arzanyraq tólese, jylý eseptegishi joq turǵyndar 20 paıyz qymbat tóledi. Endi ortaq sheshim tabyldy», - dep atap ótti vedomstvodan.