Astanada jylý energııasyn esepteý tarıfteri ózgerdi
ASTANA. QazAqparat - 2015 jyldyń 1 shildesinen bastap tutynýshylardy toptarǵa bólip, jylý energııasyn esepteıtin quraldyń bar-joǵyna baılanysty 2 299,00 teńge/Gkal (QQS qospaǵanda) mólsherinde jylý energııasymen qamtý tarıfi iske qosylady, dep habarlaıdy astana.kz
«Astanaenergosbyt» AQ resmı saıtynyń habarlaýynsha, turǵyndar úshin jylý energııasymen qamtýdyń ortasha tarıfi - 2 082,58 teńge/Gkal (QQS qospaǵanda) quraıdy. Sonymen, turǵyndar úshin jylý energııasymen qamtýdyń dıfferentsııalanǵan tarıfteri bylaısha jikteldi: - Jylý energııasyn esepteý quraldary bar bolsa - 2 071,97 teńge/Gkal (QQS qospaǵanda); - Jylý energııasyn esepteý quraldary joq bolǵan jaǵdaıda - 2 499,10 teńge/Gkal (QQS qospaǵanda); - Jylý energııasyn esepteý quraldaryn ornatýǵa tehnıkalyq múmkindigi joq eski, apatty jaǵdaıdaǵy turǵyn úılerde, barak tıptes úılerde turatyndar úshin - 2 082,58 teńge/Gkal (QQS qospaǵanda). Al basqa tutynýshylar úshin jylý energııasymen qamtýdyń ortasha tarıfi - 2 582,40 Teńge/Gkal (QQS qospaǵanda) quraıdy. Basqa da tutynýshylar úshin jylý energııasymen qamtýdyń dıfferentsııalanǵan tarıfteri jylý energııasyn esepteý quraldary bar bolsa - 2 531,19 teńge/Gkal (QQS qospaǵanda); jylý energııasyn esepteý quraldary joq bolǵan jaǵdaıda - 3 873,59 teńge/Gkal (QQS qospaǵanda); jylý energııasyn esepteý quraldaryn ornatýǵa tehnıkalyq múmkindigi joq eski, apatty jaǵdaıdaǵy turǵyn úılerde, baraq tıptes úılerde turatyndar úshin - 2 582,40 teńge/Gkal (QQS qospaǵanda) qurady.
