Astanada jylý berý maýsymynda eń kóp shaǵym túsirgen - membaǵdarlama boıynsha baspana alǵandar
ASTANA. 11 sáýir. QazAqparat - Qys maýsymynda memlekettik baǵdarlamamen salynǵan úılerdiń turǵyndary jylýmen qamtamasyz etý qyzmetine eń kóp shaǵym túsirgen.
Bul týraly búgin Astanada kúzgi-qysqy maýsymnyń aıaqtalýyna arnalǵan keńeıtilgen alqa májilisinde qala ákiminiń orynbasary Vasılıı Krylov málim etti.
«Jalpy ótken kezeń boıynsha turǵyn úı ınspektsııasy basqarmasyna 1821 aryz-shaǵym túsken, onyń 45-i páterlerdegi jylýǵa qatysty boldy. Olardyń deni - membaǵdarlama boıynsha salynǵan úılerdiń turǵyndary», - dedi ákim orynbasary.
