Astanada jylý berý maýsymy aıaqtaldy

ASTANA. QazAqparat - Astanada jylý berý maýsymy aıaqtaldy, dep habarlaıdy Astana qalasy ákiminiń baspasóz qyzmeti.

Astana qalasynyń jergilikti atqarýshy organy jylytý maýsymyn aıaqtaý týraly sheshimdi ortasha táýliktik syrtqy aýa temperatýrasy turaqty túrde kúntizbelik bes kún boıy plıýs 10 °S-ty kórsetken jaǵdaıda qabyldaıdy.

Energııa jetkizýshi uıymdar úsh kún boıy buqaralyq aqparat quraldary arqyly tutynýshylarǵa jylytý merziminiń aıaqtalýy týraly jáne jylytý júıesin óshirýdiń qajettiligi jaıly habarlandyryp, jylý tutyný júıesin óshirý aktisin rásimdeıdi.

«Jylýmen qamtamasyz etý júıesin kezeńimen óshirý jumystary 20 sáýirden bastalady», - dep atap ótti Astana qalasy ákiminiń baspasóz qyzmeti.