Astanada jylý berý maýsymy aıaqtalady
ASTANA. QazAqparat - «Qazgıdromet» RMK málimetine súıensek, 29 sáýirde elordadaǵy aýa temperatýrasy túnde 0,-2°S, kúndiz +11+13°S kórsetedi. Al 30 sáýirde túnde +1+3°S, kúndiz +16+18°S deıin jetedi. Osylaısha táýliktik ortasha temperatýranyń turaqtalýyna oraı Astanada 1 mamyrǵa qaraı kezeń-kezeńmen 2013-2014 jyldardaǵy jylý berý maýsymy aıaqtalady.
Bul týraly elorda ákimdiginiń resmı saıtynda jazady. «Bıylǵy jylý berý maýsymy sátti ótti. Bul maýsymda 2 mln.tonna kómir jaqtyq. Qalaǵa 4,5 tonna Gkal jylý berildi», - deıdi «AstanaEnergoServıs» AQ basqarma tóraǵasynyń orynbasary Juparhan Qarhanbaı. Jylytý maýsymynda energııa kózderi 2 mln (1 939 myń) tonna kómir (28 943 vagon), 20 327 tonna mazýt (376 tsısterna) paıdalanǵan. Energııa kózderi boıynsha birinshi deńgeıli tehnologııalyq qural jáne jylý júıelerinde jospardan tys ajyratýlar bolmaǵan. Tipti, ótken maýsymdarǵa qaraǵanda elektr jelilerindegi apat 5% azaıǵan. Qazir energetıkalyq kásiporyndar aldaǵy jylytý maýsymyna daıyndyqty bastady.
