Astanada jyldyń basynan beri 12 496 páter paıdalanýǵa berildi
ASTANA. QazAqparat - Astanada jyldyń basynan beri jalpy aýdany 1 407 186 sharshy metrdi quraıtyn 12 496 páter paıdalanýǵa berildi. Onyń ishinde memleket menshigi 213 228 sharshy metrdi, jeke menshik 1 117 218 sharshy metrdi, sheteldik menshik - 76 740 sharshy metrdi qurady, dep habarlady astana.gov.kz.
Jyldyń basynan bastap turǵyn úı qurylysyna ınvestıtsııa salý kólemi 107 142,2 mln teńgeni qurady, elordanyń kásipkerleri men uıymdary 370 380,2 mln teńgege qurylys jumystaryn (qyzmet kórsetý) júrgizdi. Kólemi boıynsha jalpy kólemniń neǵurlym kóp úlesi jeke merdigerlik uıymdardyń qurylys jumystaryna tıesili, ol - 65,5%-dy quraıdy, shetel merdigerleri 34,4%, memlekettik uıymdar - 0,1% oryndady.
Astana qalasynyń Statıstıka departamenti habarlaǵandaı, qurylys jumystary qurylymynyń jalpy kólemniń 97,3%-y qurylys-montajdaý jumystaryna, 1,6%-y - kúrdeli jóndeýge, 1,1%-y aǵymdaǵy jóndeýge jumsalady.
Qurylys jumystarynyń jalpy kóleminiń eleýli úlesin turǵyn úı men turǵyn emes ǵımarattardy salý jumystary alady. Budan bólek, qazirgi kezde jalpy alańy 88,55 sharshy metr 1 582 páterdi 2016 jyly paıdalanýǵa berý merzimimen Óńirlerdi damytýdyń 2020 jylǵa deıingi baǵdarlamasy aıasynda turǵyn úılerdi salý jalǵasýda.
