Astanada jyldam shahmattan týrnır ótti
ASTANA. QazAqparat - Keshe elordada grossmeıster Dınara Sádýaqasovanyń kýbogy úshin jyldam shahmattan týrnır ótti, dep habarlaıdy 24.kz.
Aıtýly básekede L.N.Gýmılev atyndaǵy Eýrazııa ulttyq ýnıversıtetiniń stýdentteri men ustazdary ózara baq synasty.
Ýnıversıtet qabyrǵasyndaǵy Dınara Sádýaqasovanyń atyna ashylǵan shahmat klýby búginde kópshilik tarapynan qoldaý tabýda. 2011 jyly irgesi qalanǵan klýbqa qyzyǵýshylyq bildirgenderdiń sany jyl sanap artyp keledi. Osydan 2 jyl buryn halyqaralyq arenada shahmattan ótken Búkilálemdik olımpıadada qazaqstandyq qyzdar quramasy oń nátıje kórsetip, 12-shi orynǵa taban tiregen bolatyn. Dál osyndaı baıraqty olımpıada Qazaqstanda 2018 jyly ótetin bolady. Qazaqstan quramasynyń múshesi Dınara Sadýaqasova sporttyń bul túri erekshe tartymdy ekendigin tilge tıek etip, aldaǵy óz josparlarymen bólisti. «Men aǵymdaǵy jyldy tolyǵymen shahmatqa arnaýdy josparlap, qazir ony júzege asyryp kelemin. Árıne, shahmat men úshin birinshi kezekte. Dese de, til úırenip ýnıversıtetke túsýdi kózdeımin. Reseı men Amerıkaǵa granttar boldy. Qazaqstanda da birqatar usynys bar. Áli de bolsa ýaqyt bar, naqty sheshimge kelgen joqpyn», - deıdi grossmeıster D.Sádýaqasova.
