Astanada «Jyl sportshysy-2013» ataǵynyń ıegerleri anyqtaldy
ASTANA. 24 qańtar. QazAqparat - Alty qazaqstandyq «Jyl sportshysy-2013» ataǵyn jeńip aldy, dep habarlaıdy Vesti.kz.
Osylaısha, atalmysh ataqqa birden tórt boksshy: Danııar Eleýsinov, Birjan Jaqypov, Mereı Aqshalov jáne Jánibek Álimhanuly ıe boldy. Sonymen qatar 2013 jyldyń sportshysy bolyp konkıshi Denıs Kýzın men palýan Aıbek Nuǵymarov atandy.
«Jyl bapkeri-2013» tıtýlyn Myrzaǵalı Aıtjanov (QR boks quramasynyń bas bapkeri), Serik Qojykenov (Aıbek Nuǵymarovtyń bapkeri), Marat Eleýsinov, Murat Sıqymbaev pen Petr Pastýshko (Kýzınniń jattyqtyrýshylary) aldy.
Kásibı sporttaǵy úzdik sportshy retinde Gennadıı Golovkınniń esimi ataldy. «Jeńiske degen qulshynysy» úshin Denıs Ten, shtangashy Almas Óteshev, dzıýdoshy Azamat Muqanov, paralımpıada sportshysy Zúlfııa Ǵabıdýllına, boksshylar Ádilbek Nııazymbetov pen Ivan Dychko syndy sportshylar marapattaldy.
Úzdik federatsııa atalymynda Konkımen júgirý federatsııasy jeńiske jetken. Jyl komandalary ataǵyna kókpardan ulttyq qurama, Astana Arlans klýby, «Shahter» fýtbol komandasy men kishi fýtboldan «Qaırat» klýby qol jetkizip otyr. Al sportta eń belsendi óńir - Ońtústik Qazaqstan oblysy dep tanyldy.
Aıta keteıik, atalmysh marapattardy 2013 jyldyń qorytyndysyn negizge ala otyryp, QR Sport jáne dene shynyqtyrý isteri agenttigi tabystady.
