Astanada jyl sońyna deıin jylý baǵasy qymbattamaıdy - Tabıǵı monopolııalardy retteý departamenti (FOTO)
ASTANA. QazAqparat - Astanada jyl sońyna deıin jylý baǵasy qymbattamaıdy. Bul týraly QR Ulttyq ekonomıka mınıstrliginiń Astana qalasy boıynsha tabıǵı monopolııalardy retteý jəne bəsekelestikti qorǵaý departamentiniń jetekshisi Marat Mýstafın məlim etti.
"Qazirgi tańda "Astana-Energııa" AQ tarıfti qymbattatý məselesin qarastyryp jatqan joq. Ózderińiz bilesizder, 2013 jyldyń sońynda "Astana-Energııa" kompanııasy úsh jylǵa arnalǵan shekti tarıf bekitip, 2,3 mlrd teńgeniń ınvestıtsııalyq baǵdarlamasyn qolǵa alǵan bolatyn. 2014 jyly shekti tarıfter engizilgenimen, 2015 jyly ınflıatsııaǵa jol bermeý úshin qala əkimdigimen kelise otyryp, tarıfti ustap turdyq. Al, 2016 jyldyń tarıfteri týraly məseleni əli qarastyramyz", - dep məlim etti.
Onyń aıtýynsha, keıbir kəsiporyndar tarıfti qymbattatýǵa məjbúr bolady. Tarıf kómirdiń, mazýt pen tasymaldyń qymbattaýyna baılanysty bolýy múmkin.
