Astanada jyl sońyna deıin jańa 9 balabaqsha paıdalanýǵa beriledi - I.Tasmaǵambetov
ASTANA. 21 maýsym. QazAqparat - Elordada jyl sońyna deıin mektepke deıingi 9 mekemeni jáne balabaqshalarǵa japsarlas salynǵan 2 nysandy paıdalanýǵa berý josparlanýda.
Bul týraly óziniń jeke blogynda qala turǵyndarynyń suraqtaryna jaýap bergen Astana ákimi Imanǵalı Tasmaǵambetov málim etti.
Sonymen, qala basshysy paıdalanýǵa beriledi degen balabaqshalar mynalar:
1. Prıgorodnyı turǵyn úı alqaby aýdanynda, Sarytoǵaı kóshesi boıynda ornalasqan 280 oryndyq balabaqsha. 2012 jyldyń qarashasynda paıdalanýǵa berý josparlanǵan.
2. №14 kóshe aýdanynda ornalasqan balabaqsha - 2012 jyldyń qarashasy.
3. №14 kóshe aýdanynda (Jumabaev kóshesinen ońtústik-batysqa qaraı) ornalasqan balabaqsha - 2012 jyldyń qarashasy.
4. Saraıshyq kóshesiniń ońtústigine, Jumabaev kóshesiniń shyǵysyna qaraı ornalasqan 280 oryndyq balabaqsha - 2012 jyldyń 30 maýsymy.
5. Saraıshyq kóshesiniń ońtústigine qaraı ornalasqan 240 oryndyq balabaqsha - 2012 jyldyń 30 maýsymy.
6. S.Seıfýllın kóshesiniń ońtústigine qaraı ornalasqan 240 oryndyq balabaqsha - 2012 jyldyń 30 shildesi.
7. Esil ózeniniń sol jaǵalaýynda №3 shaǵyn aýdanda ornalasqan 240 oryndyq balabaqsha - 2012 jyldyń tamyzy.
8. Internatsıonalnyı aýylyndaǵy 240 oryndyq balabaqsha - 2012 jyldyń tamyzy.
9. Kóktal-2 turǵyn alqabyndaǵy 240 oryndyq balabaqsha - 2012 jyldyń jeltoqsany.
10. Birjan sal kóshesi boıynda ornalasqan №4 «Rıabınka» balabaqshasyna japsarlas nysan - 2012 jyldyń qarashasy.
11. №4 shaǵyn aýdanda Mırzoıan men Petrov kósheleri boıynsha ornalasqan №9 «Jýravýshka» balabaqshasyna japsarlas nysan - 2012 jyldyń shildesi.
Sonymen qatar elorda ákiminiń jazýynsha, Daýylpaz ben Aqyrtas kósheleriniń qıylysy aýdanynda taǵy bir balabaqshanyń qurylysy júrgizilýde. Onyń qurylysyn 2013 jyldyń naýryzynda aıaqtaý josparlanǵan.
