Astanada jyl sońyna deıin úsh densaýlyq saqtaý nysanynyń qurylysy aıaqtalady
ASTANA. QazAqparat - Astana qalasy Densaýlyq saqtaý basqarmasynyń málimetinshe, qalada jyl sońyna deıin úsh densaýlyq saqtaý nysanynyń qurylysyn aıaqtaý kózdelgen.
Atap aıtqanda, Ilınka kentinde jáne Dosmuhamedov kóshesinde 150 kelýshige arnalǵan eki BMSK ortalyǵy óz jumysyn bastaıdy. Sondaı-aq júıke júıesiniń sozylmaly syrqatyna shaldyqqan jandarǵa arnalǵan emdeý-óndiristik sheberhanalarynyń qurylysyn bitirý josparlanǵan. Budan basqa, qala úshin mańyzdy birneshe arnaıy medıtsınalyq mekeme salynyp jatyr. Atap aıtqanda, 2015 jyly 250 oryndyq balalar juqpaly aýrýlar aýrýhanasy paıdalanýǵa beriledi, sondaı-aq «Temirjol» turǵyn alabynyń soltústik-shyǵysynda ornalasqan 500 oryndyq týberkýlezdi emdeý dıspanseri tapsyrylady. Al sol jaǵalaýda ambýlatorııalyq-emhanalyq keshen ashylady, onyń eresekter emhanasy bir aýysymda 350 adamdy, al balalar emhanasy 150 adamdy qabyldamaq.
Sonymen qatar 2015 jyly bir aýysymda 250 tósek-oryndyq emhanasy bar 150 kelýshige arnalǵan medıtsınalyq-áleýmettik ońaltý ortalyǵy salynyp bitedi. Qurylys basqarmasynyń habarlaýynsha, elordada taǵy da bes densaýlyq saqtaý nysanynyń qurylysyn jobalaý sharalary qolǵa alyndy, dep habarlaıdy astana.kz.
