Astanada jyl sońyna deıin úsh balabaqsha ashylady
ASTANA. QazAqparat - Astanada balabaqshalarǵa qosymsha jınaqtaý aıaqtaldy. Balalardy oqytý mekemelerine bólingen oryndar esebinen úsh myńǵa jýyq bala qabyldandy.
Astana qalasy Bilim basqarmasy atap ótkendeı, búgingi kúni memlekettik balalar mekemelerine mektepke deıingi jastaǵy 64,5% bala shoǵyrlandyrylǵan. Astana qalasynda 80 memlekettik balabaqshadan basqa 76 jekemenshik, 5 keshendi mektep-balabaqsha mekemesi, sondaı-aq 25 shaǵyn ortalyq jumys jasaıdy. Búgingi tańda balabaqshaǵa kezekte 87 641 bala tur, dep habarlanǵan elorda ákimdiginiń saıtynda. Memlekettik balabaqshalarǵa kezek balanyń týǵan jyly boıynsha júrgiziledi. Kezek nómiri ata-ananyń balany balabaqshaǵa kezekke qoıýǵa habarlamany qanshalyqty erte alǵandyǵyna baılanysty. Alaıda munyń bir mańyzdy tusy bar: balalarǵa balabaqshaǵa oryn eki jastan bastap beriletindikten, alǵashqy eki jyl boıynda kezek jyljymaıdy. Mektep jasyna jetkenge deıin tirkelgen balalardyń kezegi saqtalady. Aıta keteıik, 2015 jyldyń aıaǵyna deıin balabaqshalardaǵy oryn tapshylyǵyn azaıtý úshin úsh balabaqshany №15 «Daryn», №82 «Aı arý» jáne №86 «Zııatker» balabaqshalaryn paıdalanýǵa berý josparlanyp otyr. 2016 jyly 1520 orynǵa arnalǵan memlekettik taǵy alty balabaqsha jáne balabaqshaǵa 60 oryndyq qosymsha ǵımaratty ashý josparlanyp otyr.
