Astanada jyl sońyna deıin eki jańa mektep paıdalanýǵa beriledi
ASTANA. QazAqparat - Astanada jańa oqý jylynyń basynda bes jańa mektep óz jumysyn bastady. Qazirgi kezde bul bilim ordalarynda 6 myńnan astam bala oqýda. Al jyl sońyna deıin taǵy da eki mekteptiń qurylysy aıaqtalmaq.
Astana qalalyq Qurylys basqarmasynyń habarlaýynsha, mektepterdiń biri Esildiń sol jaǵalaýynda (№4 shaǵynaýdanda, №19 kósheniń ońtústiginde), ekinshisi Komsomol turǵyn úı kesheninde ornalasqan. Jospar boıynsha nysandar ústimizdegi jyldyń qarasha aıynda aıaqtalyp, tapsyrylady. Osylaısha, 2 400 oqýshy 2015 jyldyń basynda jańa mektepterdiń tabaldyryǵyn attaıdy. Jańa mektepterdiń ashylýy elorda turǵyndary úshin asa mańyzdy. Bul qalanyń jańa aýdandarynda turyp jatqan oqýshylardy teń bólip, oqý synyptaryndaǵy júktemelerdi azaıtýǵa múmkindik beredi, dep habarlanǵan elorda ákimdiginiń resmı saıtynda.
