Astanada jyl sońyna deıin 8 mektep ashylady
ASTANA. QazAqparat - Astanada jyl sońyna deıin 8 mektepti qoldanysqa berý josparlanǵan. Bul týraly búgin qalalyq Bilim basqarmasy basshysynyń orynbasary Qasymhan Senǵazıev aıtty.
«Jyl sońyna deıin segiz mektep ashý josparlanýda. Negizi toǵyz mektep josparlanǵan bolatyn. Onyń bireýi jýyrda ashylyp qoıdy. Endi 1 qyrkúıekte taǵy bir mektep qoldanysqa beriledi. Al qyrkúıek aıynyń sońyna deıin taǵy 4 mektepti bitirý josparlanǵan. Olardyń deni Sol jaǵalaýda jáne bir mektep S. Seıfýllın kóshesinde ornalasqan», - dedi Q.Senǵazıev.
Onyń aıtýynsha, 1 qyrkúıekke josparlanǵan nysan 100 paıyz daıyn tur. Qoldanysqa beriletin ár mektep 1200 orynǵa arnalǵan.
«Mektepter 1200 oryndyq, barlyǵyn qosqanda 8 myń oryn ashylady degen sóz. Al qazirgi mektep oryndarynyń tapshylyǵy 23 myńdy quraıdy», - dep atap ótti ol.
