Astanada jyl sońyna deıin 650 kólik taksı qyzmetine qosylady

ASTANA. QazAqparat - Astanada 2017 jylǵa deıin taksı qyzmetine 150-ge jýyq kólik paıdalanýǵa beriledi, dep habarlady astana.kz.

Qazirgi ýaqytta jolaýshylar tasymalymen aınalysatyn kompanııa qaramaǵynda 570 avtokólik bar. Jyl sońyna deıin olardyń sanyn 650 birlikke kóbeıtý josparlanǵan. Al, 2017 jyly olardyń sanyn 1500-ge jetkizý josparlanǵan. Astana qalasy Jolaýshylar kóligi jáne avtomobıl joldary basqarmasynyń habarlaýynsha, Halyqaralyq mamandandyrylǵan EKSPO-2017 kórmesin ótkizetin ýaqyt jaqyndap keledi. Ol kezde Astanaǵa keletin qonaqtardyń sany eselene túsedi. Mundaı ataýly sharaǵa daıyndyq byltyrdan bastalyp, «Eko taksı» júre bastaǵan bolatyn. Gazben júretin bul kólikter elimizde jasalyp shyǵarylǵan. Qazir astanalyqtarǵa 100 ekologııalyq taksı qyzmet etip júr. 2017 jylǵa deıin olardyń qatary 600-ge deıin artady.