Astanada jyl sońyna deıin 5 jańa qonaq úı ashylady
ASTANA. QazAqparat - Astanada jyl sońyna deıin jańa qonaq úı men meıramhana kesheni, sondaı-aq, birqatar saýda-logıstıkalyq ortalyqtar ashylady. Bul týraly Astana qalasy ákimi apparatynyń baspasóz qyzmetinen habarlady.
Kásipkerlik jáne ónerksip basqarmasy taratqan málimetke súıensek, jyl sońyna deıin Qorǵaljyn tas joly, B.Momyshuly dańǵyly, Ońtústik-shyǵys turǵyn alaby, Máskeý kóshesinde 5 qonaq úı jáne meıramhana kesheni iske qosylady.
Sonymen qatar, «Astyq logıstık» JShS, «Jasyltas» JShS, «Astana food trade» JShS sııaqty birqatar saýda-logıstıkalyq ortalyq óz jumysyn bastamaq.
