Astanada jyl saıyn oqýshylar sany 15-18 myńǵa artady
ASTANA. QazAqparat - Astanada bilim berý nysandarynyń sany artyp keledi, dep habarlaıdy QazAqparat qala ákimdiginiń saıtyna silteme jasap.
Astanada turǵyndar sanynyń ósýine baılanysty qala mektepterinde oqýshylar qatary jyl saıyn orta eseppen 15-18 myń adamǵa artady.
Sońǵy 20 jylda Astanada 59 mektep, 300-den astam balabaqsha, 23 kolledj, jańa Oqýshylar saraıy jáne basqa da bilim berý mekemeleri salynǵan. Búginde barlyq keshenniń tıimdi jumys jasaýynyń arqasynda jas urpaq bilim alýdyń barlyq baǵyttaryna qol jetkizip otyr.
«Qazir Astanada 106 mektep bar, olardyń 86- qoǵamdyq, 16- jekemenshik, 4-i - respýblıkalyq deńgeıdegi mektep. Jalpy olar 161,5 myń balany qamtıdy. Halyq sanynyń ósýine baılanysty qala mektepterinde oqýshylar qatary orta eseppen alǵanda, 15-18 myń adamǵa kóbeıip otyr», - dedi Astana qalasy bilim basqarmasynyń basshysy Ánýar Janǵozın.
