Astanada jyl saıyn 6 jańa mektep ashylady - Á.Bımendına
ASTANA. 3 qyrkúıek. QazAqparat - Elordada jyl saıyn 6 mektep ashylatyn bolady. Bul týraly «QazAqparat» tilshisine suhbat bergen Astana qalasynyń Bilim berý basqarmasynyń bastyǵy Ásıma Bımendına aıtty.
Onyń habarlaýynsha, josparǵa sáıkes, 2013-2014 jyldary 6 mektep, 2015 jyly taǵy 6 jańa mektepti paıdalanýǵa berý kózdelgen. «Búginde biz jyl saıyn úsh-tórt jańa mektepti paıdalanýǵa berip, onymen 3700 oryndy toltyramyz. Degenmen, balalardyń sany artyp keledi. Máselen, bıyl jazda Astana qalasyna kóship kelgen oqýshy balalardyń jalpy sany 4 myńǵa jetti. Osy jaǵdaıdy eskersek, elordada áli de mektep ǵımarattaryn salý qajet. Ásirese, Esildiń sol jaǵalaýynda bilim berý mekemeleriniń sanyn arttyrý kerek-aq», - deıdi Á.Bımendına. Basqarma bastyǵy atap kórsetkendeı, qazirgi kezde Astanaǵa 15 myńdaı mektep orny jetispeıdi. 1200 oryndy keıbir mektepterde 2 myń bala bilim alýǵa májbúr.
