Astanada jyl saıyn 10 jańa mektep qoldanysqa berilýi kerek - ákimdik
Astana qalasy Bilim basqarmasynyń basshylyǵy qyzmetine Qasymhan Senǵazyev óńirlik kommýnıkatsııalar qyzmetinde ótken brıfıngte osyndaı derek keltirdi.
«Jyl saıyn oqýshylar kontıngenti 21 myńnan astam adammen tolyǵyp jatyr. Bul jyl saıyn shamamen jańa 10 mektep qoldanysqa berý qajet degen sóz. Qazirgi tańda elordada 236 myń balany qamtıtyn 162 jalpy bilim beretin mektep jumys isteıdi. Oqýshy oryndarynyń tapshylyǵy 26 myńǵa jetip otyr. Segiz mektepti úsh aýysymmen jumys istese, 18 mektep shamadan tys júktememen jumys istep tur», - dedi Qasymhan Senǵazyev.
Atalmysh sharada ol balabaqshalardaǵy kadr tapshylyǵy týraly málimet usyndy.
«Búgingi kúnde mektepke deıingi uıymdarda 5 800 pedagog jumys isteıdi. Onyń ishinde 24,5 paıyz tárbıeshiniń beıindik bilimi joq. Bul kórsetkish ótken jylmen salystyrǵanda 6,5 paıyz tómendedi. Atalǵan máseleni sheshý úshin pedagogter biliktilik arttyrý kýrsynan ótip jatyr», - dedi Qasymhan Senǵazyev.
