Astanada jyl basynan beri 7 myńnan astam páter salyndy
ASTANA. QazAqparat - Astana qalasy Statıstıka departamentiniń habarlaýynsha, 2015 jyldyń qańtar-mamyr aılarynda barlyq qarjy kózderi esebinen 7108 páterlik turǵyn úıler paıdalanýǵa berildi, dep habarlady astana.gov.kz.
Tapsyrylǵan úılerdiń jalpy aýdany 766 427 sharshy metrdi quraıdy. Bul 2014 jyldyń sáıkes merzimindegi kórsetkishten 82,2% artyq. Jeke salýshylar jalpy aýdany 24 481 sharshy metrlik úı salǵan. Bul 2014 jyldyń sáıkes merzimimen salystyrǵanda 87,3% artyq. Jeke turǵyn úı qurylysynyń jalpy turǵyn úıdegi úlesi 3,2% qurady, al 2014 jyldyń qańtar-mamyryndaǵy kórsetkish - 6,7% .
2015 jyldyń qańtar-mamyrynda turǵyn úı qurylysyna jumsalǵan ınvestıtsııalardyń jalpy kólemi 45392,0 mln. teńgeni qurady. Bul 2014 jyldyń qańtar-mamyryndaǵy kórsetkishke 119,1% bolady. Negizgi kapıtaldy ınvestıtsııalaýdyń jalpy kólemi boıynsha turǵyn úı qurylysyndaǵy ıgerilgen qarjy úlesi 24,2% qurady.
Elordada 2015 jyldyń qańtar-mamyr aılarynda jalpy qurylystyń 1 sharshy metriniń ortasha naqty quny 109,7 myń teńge, al, paıdaly turǵyn aýdanynyń 1 sharshy metriniń ortasha naqty quny 153,6 myń teńge, sonyń ishinde jeke salýshylar salǵan úılerde 91,5 myń teńge boldy.
