Astanada jyl basynan beri 64 adam AITV juqtyrǵan
ASTANA. QazAqparat - Astana qalasynda jyl basynan beri 64 adam AITV juqtyrǵan, dep habarlaıdy QazAqparat tilshisi.
Jalpy elordada indet alǵash tirkelgen 1997 jyldan bastap AITV-ǵa 1489 adam shaldyqqan, onyń 42-si kóz jumdy.
Búgin Astanadaǵy Menedjment jáne bıznes kolledjinde JITS-tyń aldyn alý jáne oǵan qarsy kúres ortalyǵynyń mamandary, qaladaǵy birneshe kolledjderdiń stýdentteri men oqý ornynyń qyzmetkerleriniń qatysýymen «Umytpaımyz, bilemiz, jeńemiz!» aktsııasy ótti. Bul aktsııa jyl saıyn mamyr aıynyń úshinshi jeksenbisinde atalyp ótiletin Búkilálemdik JITS qurbandaryn eske alý kúnine oraı uıymdastyrylǵan.
JITS ortalyǵy bas dárigeriniń orynbasary Saltanat Mýsınanyń aıtýynsha, adamnyń ımmýn tapshylyǵy vırýsy (AITV) búgingi kúni tek qana medıtsına qyzmetkerlerin ǵana emes, búkil qoǵamdy alańdatyp otyrǵan másele.
«Qazirgi jastardyń osy aýrýdy juqtyrýy qoǵamǵa qaýip tóndirýde. Sebebi, jastarymyz atalmysh aýrýdyń juǵý joldaryna mán bermeıdi. Qazirgi tańda indetke shaldyqqandardyń 70 paıyzy ony jynystyq jolmen juqtyrǵan. Aýrýdyń aldyn alý maqsatynda osyndaı is-sharalardy jıi uıymdastyrýdamyz», - dep atap ótti Saltanat Mýsına.
Atalmysh dert ótken ǵasyrlarda ólimge ákeletin syrqat bolyp sanalatyn edi, qazirgi tańda AITV juqpasy sozylmaly aýrý retinde qaralady. ıAǵnı ýaqytyly em-domyn qabyldap, salaýatty ómir saltyn ustanǵan jaǵdaıda bıologııalyq qarttyq jasyna deıin ómir súrýge múmkindik bar.
Sharaǵa sondaı-aq vırýsty juqtyrǵan Andreı esimdi naýqas qatysty. Ol jastardy saqtyqqa shaqyrdy.
«Aýrý aıtyp kelmeıdi. Degenmen, jastar daýasy joq SPID-ten saq bolyńyzdar. Bastysy - juǵý joldarynan habardar bolyńyzdar. Men ótken ómirime ókinemin. Osy derttiń saldarynan qanshama jandar kóz jumdy. Al men sizderdiń aldaryńyzda turmyn. Ótkenińnen sabaq alsań, bolashaǵyńdy josparlaýǵa bolady», - dedi ol.
Aktsııanyń sońynda kontserttik baǵdarlama, vıktorınalyq suraq-jaýap boldy. Qatysýshylar arasynda túrli oıyndar oınatylyp, jeńimpazdarǵa baǵaly syılyqtar tabystaldy. Jastarǵa aýrýdan saqtaný joldary týraly jazylǵan aqparatttyq paraqshalar taratyldy.
Aıta keteıik, aılyq qarsańynda kez kelgen azamat nátıjesi 15 mınýtta belgili bolatyn qandaǵy AITV-ınfektsııasyn anyqtaý boıynsha ekspress-testten óte alady. 
