Astanada jyl basynan beri 400-ge jýyq órt bolǵan

ASTANA. QazAqparat – Jyl basynan beri astanalyq órt sóndirýshiler 3,5 myńnan astam shuǵyl shaqyrýǵa barǵan. Bul týraly elordalyq Tótenshe jaǵdaılar departamenti memlekettik órt baqylaý basqarmasynyń basshysy Erkin Otarǵalymuly aıtyp berdi, dep habarlaıdy QazAqparat tilshisi.

«Tabıǵı jáne tehnogendik sıpattaǵy tótenshe jaǵdaılarǵa jedel den qoıý maqsatynda jyl basynan beri 3 534 jedel jetý júzege asyryldy, onyń ishinde 194 adam qutqaryldy, 222 adam evakýatsııalandy, 78 zardap shegýshige dárigerge deıingi kómek kórsetildi», - dedi E. Otarǵalymuly Astana kommýnıkatsııalar qyzmetinde ótken brıfıngide.

Spıkerdiń aıtýynsha, qala aýmaǵynda jyl basynan beri 397 órt tirkelip, 4 adam qaza tapty jáne 28 adam túrli dárejede jaraqat aldy.

«Órtterdiń eń kóp sany azamattyq qorǵaý organdarynyń baqylaýynan tys nysandarda oryn alýda, ásirese turǵyn úı sektorynda 161 jaǵdaı, kólik quraldarynda – 136, jańadan salynyp jatqan obektilerde – 21 órt boldy, bul barlyq tirkelgen órtterdiń 80% quraıdy», - dedi basqarma basshysy.