Astanada jyl basynan beri 40-tan astam adamdy úsik shalǵan
ASTANA. QazAqpart - Qalalyq monıtorıng jáne jedel áreket etý ortalyǵynda Astanada jyl basynan beri qansha adamnyń úsikke urynǵany týraly aıtyldy, dep habarlaıdy «QazAqparat» HAA tilshisi.
«Aıaz astanalyqtar úshin ońaıǵa túsken joq. Kún saıyn denelerin úsik shalǵan nemese sýyq ótip ketken ondaǵan adam dárigerlerdiń kómegine júginedi. Jyl basynan beri aıaz ben sýyqtan zardap shekkenderdiń sany 41 adam»,-dep jazady ortalyqtyń baspasóz qyzmeti ózderiniń Feısbýk paraqshalaryna.
Sonymen qatar, mamandar áleýettik jelidegi paraqshalaryna úsip qalý oqıǵalarynan saqtaný jáne onyń aldyn alý jóninde paıdaly keńester jarııalady.
«Tótenshe jaǵdaıǵa tap bolsańyz jedel túrde 112 baılanys ortalyǵyna qońyraý shalyńyz, basqa da aqparattyq-anyqtamalyq suraqtar boıynsha 109 telefonyna habarlasa alasyz»,-dep habarlaıdy ortalyq.
