Astanada jyl basynan beri 38 múgedek jumysqa ornalasty
Elordalyq jumyspen qamtý jáne áleýmettik baǵdarlamalar basqarmasynyń málimetteri boıynsha, Astanada jyl basynan beri múmkindikteri shektelgen 38 adam turaqty jumysqa ornalasý múmkindigine ıe boldy. Eńbekpen qamtý boıynsha jumysty kúsheıtý maqsatynda Astanada mobıldik top quryldy. Saýalnama alynǵan 420 adamnyń 315-i jumys isteýge múmkindikteri joq ekenin nemese jumys istegileri kelmeıtinin kórsetken. Kásiporyndarda jaǵdaı jasalmaǵannan keıin múmkindikteri joq, al ekinshisi kóbiniń arnaıy biliminiń joqtyǵynan nemese qoǵamdyq ortaǵa beıimdelmegen. Kedergisiz aımaqty qurý úshin Astananyń áleýmettik salasynyń 17 kásiporny - emhalanar, oqý oryndary, mádenıet oryndary qujattamadan ótti. Osyǵan deıin olar múmkindikteri shektelgen adamdardyń qozǵalýy úshin laıyqtalǵan bolatyn. Endi bul obektterge pandýstar, taktıldi plıtkalar, júgirtpe jolar ornatylady.
Eske sala keteıik, elde múmkindigi shektelgen adamdarǵa kómektesý úshin «Halyqty jumyspen qamtý» Zańymen 3 paıyzdyq jeńildik engizilgen. Onda árbir jumys berýshide jalpy jumysshylar sanynan 3 paıyz múmkindigi shektelgen adamdar jumys isteýleri kerek. Búginde Astana ákimdiginiń bólimderinde 200 múgedek eńbek etýde.
Bir sózben aıtqanda, Memleket basshysynyń «Áleýmettik modernızatsııa: Jalpy Eńbek Qoǵamyna qaraı 20 qadam» baǵdarlamalyq maqalasy boıynsha jumys júrgizilýde. «Áleýmettik jumys oryndary» baǵdarlamasy men múmkindigi shekteýli jandardy qaıta daıarlaý kýrsynan ótkizý jumystary jalǵasýda. Jyl basynan beri oqýdan ótken 5 adamnyń ekeýi qoǵamdyq jumysqa joldandy. Osy jyldyń shildesinen beri jańa mamandyqtardy 27 jumyssyz turǵyn meńgere bastady.