Astanada jyl basynan beri 17 263 jańa jumys orny quryldy

ASTANA. QazAqparat - Astana qalasynda 2016 jylǵy 1 jeltoqsandaǵy jaǵdaı boıynsha, 17 263 jańa jumys orny ashyldy. Sonymen qatar, 2016 jyly 11 aıdyń qorytyndysy boıynsha Astana qalasy ákimdiginiń Jumyspen qamtý ortalyǵymen 7 357 adam jumysqa ornalastyryldy.

Jastar tájirıbesinen ótýge 661 túlek, qoǵamdyq jumystarǵa 2 137 adam jiberildi, sondaı-aq, jańa mamandyqtar alý maqsatynda 699 adam kásiptik daıarlaýǵa joldama aldy.

Sonymen qatar, 121 jumyssyz adam áleýmettik jumys oryndaryna ornalastyryldy.

Astana qalasynda jumyssyzdyqpen kúresýdiń belsendi is-sharalaryn qoldanýda jumyssyzdyq deńgeıin tómendetý múmkindigi 4,6%-dy qurady. Elorda jumyssyzdyq deńgeıiniń eń tómengi kórsetkishimen jetekshi orynda tur, dep habarlaıdy astana.kz.