Astanada jyl basynan beri 13 myńnan astam jańa jumys orny quryldy

ASTANA. QazAqparat - Astana qalasynda aǵymdaǵy jyldyń 1 qazandaǵy jaǵdaıǵa qaraǵanda 13 614 jańa jumys orny ashyldy.

Bul týraly elorda ákiminiń baspasóz qyzmetinen habarlady.

Sonyń ishinde: ónerkásip salasynda - 1 076, kóterme jáne bólshek saýda, avto jáne mototsıklder jóndeý - 3 211, kólik jáne qoımalaý - 859, bilim jáne densaýlyq saqtaý salalary - 2 260, qurylys - 2 048 jumys oryny ashylsa, 4 160 jańa jumys orny ekonomıkalyq qyzmettiń basqa túrlerinde paıda bolǵan.

Sonymen qatar, aǵymdaǵy jylǵy 9 aı qorytyndysy boıynsha Astana qalasy ákimdiginiń Jumyspen qamtý ortalyǵy 4 488 adamdy jumysqa ornalastyrdy.

Jastar tájirıbesin ótýge 551 túlek jáne jańa mamandyq meńgerý maqsatynda 609 adam qaıta daıarlaýǵa baǵyttaldy.

Sondaı-aq, 114 adam áleýmettik jumys oryndaryna ornalastyryldy.